Xitoyning Veynan shahrida 15 yoshgacha bo‘lgan futbolchilar o‘rtasidagi Hua Shan Cup xalqaro turniri o‘z yakuniga yetdi.
O‘zbekiston o‘smirlar termasi so‘nggi turda Yaponiya U-15 futbolchilariga qarshi bahs olib borib, 1:1 hisobida durang o‘ynadi. Uchrashuvning 39-daqiqasida Bobur Sobirov hisobni ochgan bo‘lsa, yaponiyaliklar o‘yin yakunlanishiga 50 soniya qolganida burchak zarbasidan amalga oshirilgan standartni golga aylantirdi.
Chexiya va Xitoy o‘rtasidagi bellashuvda 4:1 hisobi qayd etilib, Yevropa vakillari foydasiga hal topdi. Shunday qilib, Dilshod Nuraliyev jamoasi 3 ta o‘yinda jami 4 ochko to‘plagan holda turnirda 3-o‘rinni egalladi.
Yaponiya va Chexiya o‘smirlar terma jamoasi mos ravishda 1–2 o‘rinlarni egalladi. Mezbon Xitoy esa birorta o‘yinda ochko ola bilmadi va musobaqani so‘nggi – 4 o‘rinda yakunladi.
Hua Shan Cup xalqaro turniri O‘zbekiston o‘smirlar termasi uchun 2018 yilgi U-16 Osiyo chempionatiga saralash bosqichiga tayyorgarlik vazifasini o‘tab berdi. Saralash bosqichi shu yilning 16–24 sentyabr kunlari Saudiya Arabistoni poytaxti Ar-Riyod shahrida bo‘lib o‘tadi.
Hua Shan Cup xalqaro turniri
Xitoy, Veynan
19 iyul, dushanba
Yaponiya U-15 – O‘zbekiston U-15 — 1:1
Gollar: Bobur Sobirov (39) – Aoki Yusuke (90)
O‘zbekiston U-15: Mo‘minmirzo Qodirov, Sardor Abdurashidxo‘jayev, Hurshid Ubaydullayev, Jasurbek Abdulbekov, Jasurbek Jaloliddinov, Mironshox Sattorov, Doniyor Sobirov, Abdurauf Bo‘riyev, Igor Chirkizov (Temur Mamasiddiqov, 61), Murodbek Xo‘jamberdiyev (Mirjalol Qosimov, 61), Bobur Sobirov (Ruslan Ro‘ziyev, 82).
Yaponiya U-15: Jouns Rey, Tajima Mitsuki, Sako Maaya, Morita Rin, Aoki Yusuke, Tanaka Yoshixiro, Sumi Koshiro, Taniguchi Taisey, Naruoka Xikaru, Nakano Shinya, Nanami Kazusa.
|
№ |
Jamoalar |
O‘ |
G‘ |
D |
M |
T/N |
O |
| 1. |
Yaponiya |
3 |
2 |
1 |
0 |
8-1 |
7 |
| 2. |
Chexiya |
3 |
2 |
0 |
1 |
7-5 |
6 |
| 3. |
O‘zbekiston |
3 |
1 |
1 |
1 |
3-4 |
4 |
| 4. |
Xitoy |
3 |
0 |
0 |
3 |
1-9 |
0 |
