Хитойнинг Вэйнань шаҳрида 15 ёшгача бўлган футболчилар ўртасидаги Hua Shan Cup халқаро турнири ўз якунига етди.
Ўзбекистон ўсмирлар термаси сўнгги турда Япония U-15 футболчиларига қарши баҳс олиб бориб, 1:1 ҳисобида дуранг ўйнади. Учрашувнинг 39-дақиқасида Бобур Собиров ҳисобни очган бўлса, японияликлар ўйин якунланишига 50 сония қолганида бурчак зарбасидан амалга оширилган стандартни голга айлантирди.
Чехия ва Хитой ўртасидаги беллашувда 4:1 ҳисоби қайд этилиб, Европа вакиллари фойдасига ҳал топди. Шундай қилиб, Дилшод Нуралиев жамоаси 3 та ўйинда жами 4 очко тўплаган ҳолда турнирда 3-ўринни эгаллади.
Япония ва Чехия ўсмирлар терма жамоаси мос равишда 1–2 ўринларни эгаллади. Мезбон Хитой эса бирорта ўйинда очко ола билмади ва мусобақани сўнгги – 4 ўринда якунлади.
Hua Shan Cup халқаро турнири Ўзбекистон ўсмирлар термаси учун 2018 йилги U-16 Осиё чемпионатига саралаш босқичига тайёргарлик вазифасини ўтаб берди. Саралаш босқичи шу йилнинг 16–24 сентябрь кунлари Саудия Арабистони пойтахти Ар-Риёд шаҳрида бўлиб ўтади.
Hua Shan Cup халқаро турнири
Хитой, Вэйнань
19 июль, душанба
Япония U-15 – Ўзбекистон U-15 — 1:1
Голлар: Бобур Собиров (39) – Аоки Юсуке (90)
Ўзбекистон U-15: Мўминмирзо Қодиров, Сардор Абдурашидхўжаев, Ҳуршид Убайдуллаев, Жасурбек Абдулбеков, Жасурбек Жалолиддинов, Мироншох Сатторов, Дониёр Собиров, Абдурауф Бўриев, Игорь Чиркизов (Темур Мамасиддиқов, 61), Муродбек Хўжамбердиев (Миржалол Қосимов, 61), Бобур Собиров (Руслан Рўзиев, 82).
Япония U-15: Жоунс Рей, Тажима Митсуки, Сако Маайа, Морита Рин, Аоки Юсуке, Танака Йошихиро, Суми Коширо, Танигучи Таисей, Наруока Хикару, Накано Шинья, Нанами Казуса.
|
№ |
Жамоалар |
Ў |
Ғ |
Д |
М |
Т/Н |
О |
| 1. |
Япония |
3 |
2 |
1 |
0 |
8-1 |
7 |
| 2. |
Чехия |
3 |
2 |
0 |
1 |
7-5 |
6 |
| 3. |
Ўзбекистон |
3 |
1 |
1 |
1 |
3-4 |
4 |
| 4. |
Хитой |
3 |
0 |
0 |
3 |
1-9 |
0 |
