O‘zbekiston olimpiya terma jamoasi 23 yoshgacha bo‘lgan futbolchilar o‘rtasidagi Osiyo chempionatiga saralash bahsining ikkinchi o‘yinini o‘tkazdi. Ravshan Haydarov shogirdlariga bu safar Nepal termasi qarshilik qildi.

Bahsning 21-daqiqasida Dostonbek Tursunov hisobni ochishga muvaffaq bo‘ldi. O‘yin davomida katta ustunlik o‘zbekistonliklar tomonida bo‘lsa-da, vakillarimiz yaratilgan imkoniyatlardan foydalana olishmadi. Faqatgina uchrashuv tugashiga 10 daqiqa qolganida zaxiradan maydonga tushgan Azizjon G‘aniyev O‘zbekistonning ikkinchi goliga mualliflik qildi.

"D" saralash guruhida ishtirok etayotgan BAA U22 terma jamoasi Livanga qarshi bahs olib borib, kichik hisobda g‘alaba qozondi. Mezbonlar o‘yin tugashiga 6 daqiqa qolganida penaltidan g‘alaba to‘pini kiritishdi.

BAA va O‘zbekiston termalari hisobida 6 ochko mavjud. Amirlik termasi to‘plar farqiga ko‘ra guruhda 1-o‘rinni egallab turibdi. Ertaga, 19 iyul kuni ikki terma jamoa o‘zaro to‘qnash keladi. Eslatib o‘tamiz, 10ta saralash guruhlari kelasi yili Xitoyda o‘tadigan Osiyo chempionati yo‘llanmasiga ega bo‘ladi. Shuningdek, guruhlarda 2-o‘rinni egallagan jamoalar orasida 5tasi (yoki 6ta — agar mezbon Xitoy saralashda OCHga yo‘llanma beradigan o‘rinni egallasa)ga qit’a chempionati yo‘llanmasi beriladi.

OFK U23 saralash, 2-tur
NEPAL - O‘ZBEKISTON - 0:2
Gollar: Dostonbek Tursunov (21), Azizjon G‘aniyev (80)

LIVAN - BAA - 0:1
Gollar: Al-Hashmiy (84-penalti)