«Real» yarim himoyachisi Garet Beyl o‘zi haqidagi transfer bilan bog‘liq mish-mishlariga ahamiyat qaratmasligini ta’kidlab o‘tdi.

— «Real»dan ketishingiz mumkinligi haqida matbuotda ko‘p xabarlar tarqaldi.
— Yo‘q, aslida bunday emas. Jarohatim tufayli vaziyat murakkablashdi, bundan ortiq emas. Hali ham yuqori saviyada futbol o‘ynay olaman. Yuqori formada bo‘lganimda o‘zimning eng yuqori imkoniyatlarimni namoyish qila olaman. Men klub bilan uzoq muddatli shartnomaga imzo chekkanman va "Real"da o‘ynayotganimdan xursandman. Ishonchim komil, bizni ajoyib mavsum kutib turibdi. Ko‘p gol urishni rejalashtirayapman.

— Sizga «MYU» tomonidan qiziqish bo‘lgani rostmi?
— Haqiqat shundan iboratki, men matbuotdagi mish-mishlarni o‘qimayman. Men britaniyalikni uyga qaytishimni yozishlari mantiqiy holat. Bunday holat Bekxem va Ispaniyada o‘ynayotgan britaniyaliklar bilan ham ro‘y bergan. Bu yerda hayron qoladigan narsa yo‘q.

«Real»da o‘ynayotganimdan xursandman. Qandaydir qiziqishlar bo‘lgandir, ammo aniq taklif yo‘q. Shu bois, muhokama qiladigan narsaning o‘zi yo‘q», — dedi Beyl.