«Реал» ярим ҳимоячиси Гарет Бэйл ўзи ҳақидаги трансфер билан боғлиқ миш-мишларига аҳамият қаратмаслигини таъкидлаб ўтди.

— «Реал»дан кетишингиз мумкинлиги ҳақида матбуотда кўп хабарлар тарқалди.
— Йўқ, аслида бундай эмас. Жароҳатим туфайли вазият мураккаблашди, бундан ортиқ эмас. Ҳали ҳам юқори савияда футбол ўйнай оламан. Юқори формада бўлганимда ўзимнинг энг юқори имкониятларимни намойиш қила оламан. Мен клуб билан узоқ муддатли шартномага имзо чекканман ва "Реал"да ўйнаётганимдан хурсандман. Ишончим комил, бизни ажойиб мавсум кутиб турибди. Кўп гол уришни режалаштираяпман.

— Сизга «МЮ» томонидан қизиқиш бўлгани ростми?
— Ҳақиқат шундан иборатки, мен матбуотдаги миш-мишларни ўқимайман. Мен британияликни уйга қайтишимни ёзишлари мантиқий ҳолат. Бундай ҳолат Бекхэм ва Испанияда ўйнаётган британияликлар билан ҳам рўй берган. Бу ерда ҳайрон қоладиган нарса йўқ.

«Реал»да ўйнаётганимдан хурсандман. Қандайдир қизиқишлар бўлгандир, аммо аниқ таклиф йўқ. Шу боис, муҳокама қиладиган нарсанинг ўзи йўқ», — деди Бэйл.