«Manchester Yunayted» klubi «PSJ» yarim himoyachisi Marko Verratti uchun kurashda «Barselona»ga raqobat qiladi. Mankunianliklar skaut xizmati boshlig‘i 24 yoshli futbolchining vakillari bilan muzokara o‘tkazdi.
Shuningdek, Verrattining yangi agenti Mino Rayola bo‘lishi mumkinligi haqida xabarlar tarqaldi. Ushbu agent o‘tgan yili yarim himoyachi Pol Pogbani, ushbu yozda Romelu Lukakuni "MYU"ga olib o‘tdi. O‘z navbatida «Barselona» Verratti uchun «PSJ»ga 65 mln yevro va yarim himoyachi Ivan Rakitichni taklif qildi.
Italiyalik futbolchi yakunlangan mavsumda Fransiya chempionati doirasida 28ta o‘yinda maydonga tushib, 3ta gol urdi va 5ta golga assistentlik qildi.