«Real» bosh murabbiyi Zayniddin Zidan klub rahbariyatiga bu yil yozda hujumchi sotib olish shart emasligini aytgan.

AS xabariga ko‘ra, madridliklar Alvaro Morata jamoani tark etsa ham, yangi markaziy hujumchini xarid qilmaydi. Avvalroq, futbolchining «Milan» yoki «Chelsi»ga o‘tishi haqida xabarlar chiqqan edi.

Zidanning fikriga ko‘ra, Qirollik klubiga Karim Benzema va Krishtianu Ronaldu hujumchilar juftligi kifoya qiladi. Bundan tashqari, «Volfsburg»dan qaytib kelgan Borxa Mayoral ularga o‘rinbosar bo‘la oladi.