O‘tgan mavsum kashfiyoti deb tan olingan va YECHL yo‘llanmasini qo‘lga kiritgan Germaniyaning «RB Leypsig» klubi rahbariyati o‘z yetakchisini qo‘yib yuborishni istamayapti.
Jamoa vakillari 22 yoshli gvineyalik yarimhimoyachi Nabi Keyta bo‘yicha «Liverpul»dan tushgan 75 million yevrolik taklifni rad etdi. Avvalroq, «buqalar» 65 mln yevro taklifni ham rad qilgan edi.
«Liverpul» bosh murabbiyi Yurgen Klopp Keytaning xizmatiga shaxsan qiziqish bildirgan. Ammo «Leypsig» sport direktori Ralf Rangnik yarimhimoyachini sotish niyati yo‘qligini ma’lum qildi.
Qayd etish kerakki, gvineyalik futbolchining o‘zi «Liverpul»ga o‘tish istagida. Germaniya klubi esa YECHL oldidan muhim futbolchisidan ajralish niyatida emas.
