Ўтган мавсум кашфиёти деб тан олинган ва ЕЧЛ йўлланмасини қўлга киритган Германиянинг «РБ Лейпциг» клуби раҳбарияти ўз етакчисини қўйиб юборишни истамаяпти.
Жамоа вакиллари 22 ёшли гвинеялик яримҳимоячи Наби Кейта бўйича «Ливерпуль»дан тушган 75 миллион евролик таклифни рад этди. Аввалроқ, «буқалар» 65 млн евро таклифни ҳам рад қилган эди.
«Ливерпуль» бош мураббийи Юрген Клопп Кейтанинг хизматига шахсан қизиқиш билдирган. Аммо «Лейпциг» спорт директори Ральф Рангник яримҳимоячини сотиш нияти йўқлигини маълум қилди.
Қайд этиш керакки, гвинеялик футболчининг ўзи «Ливерпуль»га ўтиш истагида. Германия клуби эса ЕЧЛ олдидан муҳим футболчисидан ажралиш ниятида эмас.
