«Chelsi» safiga qo‘shilgan «Real» hujumchisi Alvaro Morata o‘zining londonliklar safiga o‘tishi borasida fikrlari bilan o‘rtoqlashdi.

«Juda ham xursandman. Nasib qilsa, payshanba kuni «Chelsi» safida bo‘laman. Bu jamoa meni hamisha qoyil qoldirib kelgan.

«Real»ga qaytaman deb o‘ylamayman. Bu qiyin ish bo‘ladi. Hozir bu haqida o‘ylamayapman. Menda aniq maqsad bor edi — boshqa jamoaga o‘tish. Mavsumlar oralig‘i g‘alati o‘tdi. Tibbiy ko‘rikdan o‘tib bo‘lmagunimcha xotirjam bo‘lmayman.

Umid qilaman, «Chelsi»da ishlarim yurishadi. Men yanada yaxshiroq o‘ynashga qodirman. Bunga ishonmaganimda, «Real»dan ketmasdim. Barchasi uchun Zidanga minnatdorchilik bildirdim va oldindagi mavsumda unga omad tiladim.

Men jamoa muxlislariga rahmat aytaman. Ular yana bir marta meni qo‘llab-quvvatlashdi. «Real»ga hamisha eng yaxshi tilaklarimni bildiraman», — dedi Morata.