Aleksandr Svechnikov va Nozima Qayumova 14−23 iyul kunlari Londonda bo‘lib o‘tayotgan paralimpiya jahon chempionatida oltin va kumush medallarni qo‘lga kiritdi.
Nayza uloqtirishda Aleksandr Svechnikov 71,01 m natija bilan jahon rekordini yangilab, jahon birinchiligi oltin medali sohibiga aylandi. E’tiborlisi, avvalgi jahon rekordi ham aynan Svechnikovga tegishli edi (70 m).
Xuddi shu sport turi bo‘yicha Nozima Qayumova ayollar o‘rtasida 41,25 m natija bilan kumush medalga sazovor bo‘ldi.
Eslatib o‘tamiz, avvalroq Husniddin Norbekov disk uloqtirishda, Doniyor Soliyev esa uzunlikka sakrashda «oltin» sohiblariga aylangan edi.
