«Manchester Yunayted» yulduzi Duayt Yorkning moliyaviy ahvoli juda og‘irligi ma’lum bo‘ldi.
Sobiq hujumchining gapiga qaraganda, uning hisobida hozir 2 yevro qolgan. Iyul oyining boshida sud Dwight Yorke Promotions kompaniyasini to‘lovga qobil emas deb topdi. Endi sobiq futbolchi katta muammolardan qutulib qolishi uchun Chyeshir grafligidagi katta uyini sotishga majbur. York uni 2,26 mln yevroga baholamoqda.
Bu bilan Duaytning muammolari kamayib qolmaydi. 2017 yil boshida u AQSHga kirish uchun taqiqlangan shaxslar ro‘yxatiga tushib qoldi. Gap shundaki, u 2015 yilda Eronga tashrif buyurib, o‘rtoqlik o‘yinida ishtirok etgan edi. «Tramp qonuni»ga ko‘ra esa, bu mamlakat hududida bo‘lgan odamlarga AQSH darvozalari yopiq.
Eslatib o‘tamiz, Duayt York 1998 – 2002 yillarda «MYU» tarkibida o‘ynab, 152 o‘yinda 66ta gol urgan. So‘nggi ikki yil davomida u BeIN Sports TV kanalida ekspert bo‘lib ishlamoqda. Futbolchi faoliyati davomida Trinidad va Tobago terma jamoasi, «Aston Villa», «Blekbern», «Birmingem», «Sanderlend» klublarida o‘ynagan.
