"Navbahor" himoyachisi Abbos Otaxonov Ravshan Haydarov boshchiligidagi O‘zbekiston (U-22) yoshlar terma jamoasi ixtiyorida bo‘lganligi bois mashg‘ulotlarda qatnasha olmayotgandi.
Mamlakatimiz yoshlar terma jamoasi BAAda o‘tkazilgan Osiyo chempionati saralash turniridagi ishtirokini yakunlab, yurtimizga qaytib keldi. Yoshlarimiz "D" guruhidan o‘rin olgan barcha uchrashuvlarda g‘alab qozonishganligini ham e’tirof etish joiz. Guruhda 1-o‘rinni qo‘lga kiritgan vakillarimiz kelasi yili Xitoyda o‘tadigan Osiyo chempionatining final bosqichida qatnashish huquqiga ega bo‘lishdi. Shu o‘rinda Otaxonov terma jamoamizning barcha uch uchrashuvida asosiy tarkibda maydonga tushganligini qo‘shimcha qilish joiz. Ayni paytda Abbos jamoamiz mashg‘ulotlarida to‘liq kuch bilan qatnashmoqda.
Jamoamiz 23 iyul kuni Toshkent yig‘inidagi so‘nggi nazorat uchrashuvini "Buxoro" klubiga qarshi o‘tkazadi. Buxoroliklarga qarshi o‘yin soat 18:30da boshlanadi. Uchrashuvdan keyin poytaxt yig‘iniga yakun yasaladi.
