"Навбаҳор" ҳимоячиси Аббос Отахонов Равшан Ҳайдаров бошчилигидаги Ўзбекистон (U-22) ёшлар терма жамоаси ихтиёрида бўлганлиги боис машғулотларда қатнаша олмаётганди.
Мамлакатимиз ёшлар терма жамоаси БААда ўтказилган Осиё чемпионати саралаш турниридаги иштирокини якунлаб, юртимизга қайтиб келди. Ёшларимиз "D" гуруҳидан ўрин олган барча учрашувларда ғалаб қозонишганлигини ҳам эътироф этиш жоиз. Гуруҳда 1-ўринни қўлга киритган вакилларимиз келаси йили Хитойда ўтадиган Осиё чемпионатининг финал босқичида қатнашиш ҳуқуқига эга бўлишди. Шу ўринда Отахонов терма жамоамизнинг барча уч учрашувида асосий таркибда майдонга тушганлигини қўшимча қилиш жоиз. Айни пайтда Аббос жамоамиз машғулотларида тўлиқ куч билан қатнашмоқда.
Жамоамиз 23 июль куни Тошкент йиғинидаги сўнгги назорат учрашувини "Бухоро" клубига қарши ўтказади. Бухороликларга қарши ўйин соат 18:30да бошланади. Учрашувдан кейин пойтахт йиғинига якун ясалади.
