«Manchester Yunayted» Xalqaro chempionlar kubogi doirasida «Real» (1:1) bilan bahs yuritib, penaltilar seriyasida g‘alaba qozondi.

Ikkinchi bo‘lim boshida «qizil iblislar» yarimhimoyachisi Ander Errera jarohat olib maydonni tark etdi. Bosh murabbiy Joze Mourinyo o‘yindan so‘ng, bu voqeaga izoh berdi.

«Errera kuchli og‘riqni sezdi, aks holda almashtirilishini so‘ramasdi. Endi shifokorlar tashxisini kutamiz.

Men har doim jamoamga o‘rtoqlik o‘yinlarida xotirjam to‘p surishni, sog‘liq bilan tavakkal qilmaslikni ta’kidlayman. Menimcha, Errera qovurg‘asidan jarohat oldi» - dedi Mourinyo.