«Манчестер Юнайтед» Халқаро чемпионлар кубоги доирасида «Реал» (1:1) билан баҳс юритиб, пенальтилар сериясида ғалаба қозонди.
Иккинчи бўлим бошида «қизил иблислар» яримҳимоячиси Андер Эррера жароҳат олиб майдонни тарк этди. Бош мураббий Жозе Моуриньо ўйиндан сўнг, бу воқеага изоҳ берди.
«Эррера кучли оғриқни сезди, акс ҳолда алмаштирилишини сўрамасди. Энди шифокорлар ташхисини кутамиз.
Мен ҳар доим жамоамга ўртоқлик ўйинларида хотиржам тўп суришни, соғлиқ билан таваккал қилмасликни таъкидлайман. Менимча, Эррера қовурғасидан жароҳат олди» - деди Моуриньо.
