Olimpiya o‘yinlarining suzish bo‘yicha 23 karra chempioni, amerikalik Maykl Felps 100 metrga suzishda oq akula bilan bellashdi.
Bahs Discovery telekanali orqali «Katta «Oq» katta «Oltin»ga qarshi» deb nomlangan ko‘rsatuvda namoyish etildi. Janubiy Afrika qirg‘oqlarida o‘tkazilgan bellashuvda Felps 38,10 soniya vaqt ko‘rsatib, akuladan 2 soniya ortda qoldi.
Aslida, sportchi yolg‘iz o‘zi suzdi, akulaning suzishi esa kompyuter orqali modellashtirildi. Natijada, Felps va akula o‘rtasidagi haqiqiy bellashuvni kutgan ko‘plab teletomoshabinlarning hafsalasi pir bo‘ldi.
