Олимпия ўйинларининг сузиш бўйича 23 карра чемпиони, америкалик Майкл Фелпс 100 метрга сузишда оқ акула билан беллашди.
Баҳс Discovery телеканали орқали «Катта «Оқ» катта «Олтин»га қарши» деб номланган кўрсатувда намойиш этилди. Жанубий Африка қирғоқларида ўтказилган беллашувда Фелпс 38,10 сония вақт кўрсатиб, акуладан 2 сония ортда қолди.
Аслида, спортчи ёлғиз ўзи сузди, акуланинг сузиши эса компьютер орқали моделлаштирилди. Натижада, Фелпс ва акула ўртасидаги ҳақиқий беллашувни кутган кўплаб телетомошабинларнинг ҳафсаласи пир бўлди.
