Yozgi transfer mavsumida «Milan» bir qancha futbolchilar xaridini amalga oshirdi.

Biroq, «rossoneri»ning faolligi ba’zi klublarga yoqmadi. La Gazzetta dello Sport xabariga ko‘ra, bir qancha klublar «Milan» transferlarini moliyaviy feyr-pleyga qanchalik to‘g‘ri kelishiga oydinlik kiritish maqsadida UYEFA tashkilotiga shikoyat jo‘natgan.

Manbaning ma’lum qilishicha, bu bir qator o‘zgarishlarga olib keladi. Xususan, UYEFA moliyaviy feyr-pley qoidalariga o‘zgartirish kiritishi mumkin.

Eslatib o‘tamiz, moliyaviy feyr-pley qoidalariga ko‘ra, klub xarajatlari daromadlaridan ortiq bo‘lmasligi shart.