«Manchester Yunayted» bosh murabbiyi Joze Mourinyo yozgi transfer mavsumidagi ishlarga baho berdi.
Ma’lumki, «qizil iblislar» shu kungacha himoyachi Viktor Lindelyof va hujumchi Romelu Lukaku bilan shartnoma imzoladi.
«Tarkibdan qoniqdim, biroq yana ikki nafar futbolchini olmoqchiman. Biri yarimhimoya markazidagi muvozanatni saqlab turish va ijodkorlik uchun kerak. Ikkinchisi har ikkala qanot hujumida o‘ynay olishi shart. Nomzodlar? Ularning nomini tilga olmayman, chunki hozircha ular boshqa jamoaga tegishli. O‘z navbatida, futbolchilarim haqida boshqalarning ham gapirishini istamayman» - dedi Mourinyo Marca xabarida.
