Afsonaviy bokschi Mayk Tayson 26 avgust sanasida bo‘lib o‘tadigan Konor Makgregor va Floyd Meyvezerga qarshi jang haqbda o‘z fikrlari bilan o‘rtoqlashdi.
Superog‘ir vazn toifasida sobiq mutloq jahon chempionining fikricha, bo‘lajak jangda Floyd Meyvezerning g‘alabasiga hech qanday shubha yo‘q.
“Boks Makgregorni xalok qiladi. Uning butun dunyo oldida izza bo‘lgani qoladi. Men juda hafa bo‘ldim. Sababi, boshida jang MMA qoidalari asosida o‘tkaziladi, deb o‘ylagandim. Shubham yo‘qki, Makgregor bu jangda nokautga uchraydi. Meyvezer bolaligidan boks bilan shug‘ullanadi. MakKonor esa o‘zining yaxshi ko‘rgan uslublari - oyoq zarbasi va parterda ushlashdan foydala olmaydi. Demak, unda hech qanday imkoniyat qolmaydi”, – dedi Tayson.
