«Milan» bosh direktori Marko Fassone «Roma» prezidenti Jeyms Pallottaga javob qaytardi.
Avvalroq, Palotta "Milan"ning transfer siyosatidan norozi bo‘lib, klubni kelajakda katta moliyaviy muammolar kutayotganini aytgan, rahbariyatni esa aqldan ozganlikda ayblagan edi.
«Muhtaram janob Pallotta, bayonotingiz bizni hayron qoldirdi. Siz klub egalarini 300 mln yevro qarz olganini aytibsiz. Biroq, klubning narxi 740 mln yevro, Elliott fondidan olingan qarz esa 180 mln yevro edi. Buni hamma biladi.
Ikkinchidan, siz klubni katta moliyaviy muammolar kutayotganini aytibsiz. Joriy mavsumda biz 50 mln yevro narxdagi obligasiyalarni chiqardik. Transfer xarajatlarimiz esa bundan ham pastroq bo‘ldi. Bundan tashqari, uzoq muddatli moliyaviy reja tuzib, uni UYEFA tashkilotiga taqdim qilganmiz. Bularning hammasi ochiq oydin ma’lumotlardir.
"Milan"ni aqldan ozganlikda ayblaganingiz meni xavotirga solmoqda. Biz bosayotgan har bir qadamimizni obdon o‘ylab, amalga oshirganmiz. Agar janob Palotta istak bildirsa, men "Milan" va "Roma"ning buxgalteriya hisobotlarini solishtirishga tayyorman" - dedi Fassone Football Italia xabarida.
