«Милан» бош директори Марко Фассоне «Рома» президенти Жеймс Паллоттага жавоб қайтарди.
Аввалроқ, Палотта "Милан"нинг трансфер сиёсатидан норози бўлиб, клубни келажакда катта молиявий муаммолар кутаётганини айтган, раҳбариятни эса ақлдан озганликда айблаган эди.
«Муҳтарам жаноб Паллотта, баёнотингиз бизни ҳайрон қолдирди. Сиз клуб эгаларини 300 млн евро қарз олганини айтибсиз. Бироқ, клубнинг нархи 740 млн евро, Elliott фондидан олинган қарз эса 180 млн евро эди. Буни ҳамма билади.
Иккинчидан, сиз клубни катта молиявий муаммолар кутаётганини айтибсиз. Жорий мавсумда биз 50 млн евро нархдаги облигацияларни чиқардик. Трансфер харажатларимиз эса бундан ҳам пастроқ бўлди. Бундан ташқари, узоқ муддатли молиявий режа тузиб, уни УЕФА ташкилотига тақдим қилганмиз. Буларнинг ҳаммаси очиқ ойдин маълумотлардир.
"Милан"ни ақлдан озганликда айблаганингиз мени хавотирга солмоқда. Биз босаётган ҳар бир қадамимизни обдон ўйлаб, амалга оширганмиз. Агар жаноб Палотта истак билдирса, мен "Милан" ва "Рома"нинг бухгалтерия ҳисоботларини солиштиришга тайёрман" - деди Фассоне Football Italia хабарида.
