La liga prezidenti Xavyer Tebas Neymar «Barselona»dan «PSJ»ga transfer qilinsa, ushbu masala yuzasidan UYEFAga azr qilishini ta’kidlab o‘tdi.

– Biz bu borada shikoyat beramiz. Boisi, bu transfer UYEFAning moliyaviy feyr-pley qoidasini buzadi. Shuningdek, bu Yevroittifoqning raqobat haqidagi qoidasiga zid. FIFAga murojaat qilamiz, agar ular bizni inkor qilishsa, Shveysariya va Bryusseldagi sudlarga murojaat qilamiz. Fransiya va Ispaniyadagi sudlarga ham murojaat qilishimiz mumkinligini istisno qilmayman.

– Shikoyat berishga ulgurdingizmi?
– Buni zudlik bilan amalga oshiramiz. Biz dastlab UYEFAga savol bermoqchi edik, ammo prezidenti Cheferinning vaqti bo‘lmadi. Neymar haqidagi xabarlarni o‘qir ekanman, bu meni xavotirga solmoqda. La liga bir chetda qola olmaydi. Bu faqat "Barselona"ning emas, butun Ispan futbolining muammosi. Bugun bu masala «Barsa»ga tegishli bo‘lsa, ertaga «Real», «Atletiko» yoki boshqa jamoalarga ham tegishli bo‘lishi mumkin. «Barselona» bizga hech narsa demadi, bu La liganing tashabbusi.

Ikki oy avval men «PSJ» prezidenti Nossir al-Xelayfiyga men tegishli joyga shikoyat qilmoqchi ekanimiz haqida aytganimda, uning jahli chiqdi va meni tushunmasligini aytdi.

Biz munosabatlarni saqlab qolishimiz kerak. Boisi, biz ispan futboli televizion huquqlarini boshqaramiz, lekin La liga bunday holatlarda o‘z klublarini himoya qilishi kerak, – dedi Tebas.