Ла лига президенти Хавьер Тебас Неймар «Барселона»дан «ПСЖ»га трансфер қилинса, ушбу масала юзасидан УЕФАга азр қилишини таъкидлаб ўтди.

– Биз бу борада шикоят берамиз. Боиси, бу трансфер УЕФАнинг молиявий фэйр-плей қоидасини бузади. Шунингдек, бу Евроиттифоқнинг рақобат ҳақидаги қоидасига зид. ФИФАга мурожаат қиламиз, агар улар бизни инкор қилишса, Швейцария ва Брюсселдаги судларга мурожаат қиламиз. Франция ва Испаниядаги судларга ҳам мурожаат қилишимиз мумкинлигини истисно қилмайман.

– Шикоят беришга улгурдингизми?
– Буни зудлик билан амалга оширамиз. Биз дастлаб УЕФАга савол бермоқчи эдик, аммо президенти Чефериннинг вақти бўлмади. Неймар ҳақидаги хабарларни ўқир эканман, бу мени хавотирга солмоқда. Ла лига бир четда қола олмайди. Бу фақат "Барселона"нинг эмас, бутун Испан футболининг муаммоси. Бугун бу масала «Барса»га тегишли бўлса, эртага «Реал», «Атлетико» ёки бошқа жамоаларга ҳам тегишли бўлиши мумкин. «Барселона» бизга ҳеч нарса демади, бу Ла лиганинг ташаббуси.

Икки ой аввал мен «ПСЖ» президенти Носсир ал-Хелайфийга мен тегишли жойга шикоят қилмоқчи эканимиз ҳақида айтганимда, унинг жаҳли чиқди ва мени тушунмаслигини айтди.

Биз муносабатларни сақлаб қолишимиз керак. Боиси, биз испан футболи телевизион ҳуқуқларини бошқарамиз, лекин Ла лига бундай ҳолатларда ўз клубларини ҳимоя қилиши керак, – деди Тебас.