Bugun Qo‘qondagi “Markaziy” o‘yingohida “Qo‘qon-1912” va Birinchi liga yetakchisi “Sementchi” jamoalari o‘rtasida o‘rtoqlik uchrashuvi bo‘lib o‘tdi.

O‘yinda mezbonlar aralash tarkib bilan harkat qilishdi. Aniqrog‘i, kechagi bahsda zaxirada qolgan o‘yinchilar navbati bilan maydonga tushishdi. Uchrashuv muxlislar kutganidek shiddatli va keskin kurashlar ostida o‘tdi.

O‘yinning 12-daqiqasida quvasoyliklar a’zosi Abdul Aziz Yusupov hisobni ochishga muvaffaq bo‘ldi. Eslatib o‘tamiz, ushbu o‘yinchi o‘tgan mavsumning birinchi qismini “Qo‘qon-1912” jamoasida o‘tkazgan. Shuningdek, bugungi uchrashuvda jamoaning yana bir sobiq a’zosi Ma’ruf Zokirjonov va Oybek Nurboyev ham quvasoyliklar safida maydonga tushishdi.

Uchrashuvning 75-daqiqasida hisob tenglashdi. Oybek Rustamov o‘yin yakunlanishiga 15-daqiqa qolganida “Sementchi” darvozasini aniq nishonga oldi.
Bahsda shu hisobda yakuniga yetdi.

Nazorat uchrashuvi
“Qo‘qon-1912” – “Sementchi” – 1:1
Bosh hakam: Q. Sobirov.
Gollar: Oybek Rustamov 75 - Abdul Aziz Yusupov 12 
“Qo‘qon-1912”: I. Abdullayev, N. Otaqo‘ziyev, I. Rahimov, O. Rustamov, A. Mamatxo‘jayev, A. Rahmonov, M. Rahimov, I. Malikjonov, I.Oxunjonov, D. Meliqo‘ziyev, M. Sodikjonov.
“Sementchi”: F. Turdaliyev, M. Zokirjonov, R. Meliboyev, O. Nurboyev, O. Ahmadjonov, A. Rahimov, A. Yusupov, S. Ermamatov, J. Qobulov, SH. Abdurahimov, D. Mamatov.