Бугун Қўқондаги “Марказий” ўйингоҳида “Қўқон-1912” ва Биринчи лига етакчиси “Цементчи” жамоалари ўртасида ўртоқлик учрашуви бўлиб ўтди.
Ўйинда мезбонлар аралаш таркиб билан ҳаркат қилишди. Аниқроғи, кечаги баҳсда захирада қолган ўйинчилар навбати билан майдонга тушишди. Учрашув мухлислар кутганидек шиддатли ва кескин курашлар остида ўтди.
Ўйиннинг 12-дақиқасида қувасойликлар аъзоси Абдул Азиз Юсупов ҳисобни очишга муваффақ бўлди. Эслатиб ўтамиз, ушбу ўйинчи ўтган мавсумнинг биринчи қисмини “Қўқон-1912” жамоасида ўтказган. Шунингдек, бугунги учрашувда жамоанинг яна бир собиқ аъзоси Маъруф Зокиржонов ва Ойбек Нурбоев ҳам қувасойликлар сафида майдонга тушишди.
Учрашувнинг 75-дақиқасида ҳисоб тенглашди. Ойбек Рустамов ўйин якунланишига 15-дақиқа қолганида “Цементчи” дарвозасини аниқ нишонга олди.
Баҳсда шу ҳисобда якунига етди.
Назорат учрашуви
“Қўқон-1912” – “Цементчи” – 1:1
Бош ҳакам: Қ. Собиров.
Голлар: Ойбек Рустамов 75 - Абдул Азиз Юсупов 12
“Қўқон-1912”: И. Абдуллаев, Н. Отақўзиев, И. Раҳимов, О. Рустамов, А. Маматхўжаев, А. Раҳмонов, М. Раҳимов, И. Маликжонов, И.Охунжонов, Д. Мелиқўзиев, М. Содикжонов.
“Цементчи”: Ф. Турдалиев, М. Зокиржонов, Р. Мелибоев, О. Нурбоев, О. Аҳмаджонов, А. Раҳимов, А. Юсупов, С. Эрмаматов, Ж. Қобулов, Ш. Абдураҳимов, Д. Маматов.
