"Navbahor"ning Namanganda tashkil etilgan yig‘ini yakunlandi.

Uning so‘ngida Birinchi liga vakili “Yozyovon Lochinlari” jamoasi bilan nazorat o‘yini o‘tkazildi.

Muxlislar 33-daqiqaga kelib, dastlabki golga guvoh bo‘lishdi. Oybek Qilichev belgilangan jarima zarbasini aniq amalga oshirib, hisobni ochdi. 56-daqiqada Nemanya Yovanovich burchakdan oshirilgan to‘pni boshi bilan darvozaga aniq yo‘llab hisobni 2:0 ko‘rinishiga keltirib qo‘ydi. O‘yinning 82-daqiqasida Doniyor Usmonov chap qanotdan jarima maydonchasiga yorib kirdi va o‘tkir burchak ostidan aniq zarba yo‘llab, uchinchi golga mualliflik qildi.

Nazorat o‘yini
"Navbahor" - "Yozyovon Lochinlari" - 3:0
"Navbahor": Asilbek Amanov, Abbos Otaxonov, Jahongir Mehmonov, G‘iyos Komilov, Mirzohid G‘ofurov, Abbos Maxstaliyev, Dilshod Jabborov, A’zam Aliyev, Azizbek Turg‘unboyev, Oybek Qilichev, Nemanya Yovanovich.
Zaxiradan maydonga tushganlar: Dilshod Hamroyev, Doniyor Usmonov, Oston O‘runov, Ro‘zimboy Ahmedov, Ilhom Boydedayev, Ravshan Xursanov, Saidjon Abdujabborov.
Jamoa a’zolari ertaga Toshkent sari yo‘lga otlanishadi. Kechki payt futbolchilar yengil mashg‘ulot o‘tkazishadi. 31 iyul kuni esa murabbiy va futbolchilarimiz tibbiy ko‘rikdan o‘tishadi.