"Навбаҳор"нинг Наманганда ташкил этилган йиғини якунланди.

Унинг сўнгида Биринчи лига вакили “Ёзёвон Лочинлари” жамоаси билан назорат ўйини ўтказилди.

Мухлислар 33-дақиқага келиб, дастлабки голга гувоҳ бўлишди. Ойбек Қиличев белгиланган жарима зарбасини аниқ амалга ошириб, ҳисобни очди. 56-дақиқада Неманья Йованович бурчакдан оширилган тўпни боши билан дарвозага аниқ йўллаб ҳисобни 2:0 кўринишига келтириб қўйди. Ўйиннинг 82-дақиқасида Дониёр Усмонов чап қанотдан жарима майдончасига ёриб кирди ва ўткир бурчак остидан аниқ зарба йўллаб, учинчи голга муаллифлик қилди.

Назорат ўйини
"Навбаҳор" - "Ёзёвон Лочинлари" - 3:0
"Навбаҳор": Асилбек Аманов, Аббос Отахонов, Жаҳонгир Меҳмонов, Ғиёс Комилов, Мирзоҳид Ғофуров, Аббос Махсталиев, Дилшод Жабборов, Аъзам Алиев, Азизбек Турғунбоев, Ойбек Қиличев, Неманья Йованович.
Захирадан майдонга тушганлар: Дилшод Ҳамроев, Дониёр Усмонов, Остон Ўрунов, Рўзимбой Аҳмедов, Илҳом Бойдедаев, Равшан Хурсанов, Саиджон Абдужабборов.
Жамоа аъзолари эртага Тошкент сари йўлга отланишади. Кечки пайт футболчилар енгил машғулот ўтказишади. 31 июль куни эса мураббий ва футболчиларимиз тиббий кўрикдан ўтишади.