UYEFA Angliyaning “Manchester Yunayted” jamoasini Yevropa Ligasi final uchrashuvida antidoping qoidalariga amal qilmagani uchun jazoladi.
“Ayaks”ga qarshi kechgan final (2:0) o‘yinidan keyin jamoa himoyachilari Deyli Blind va Fil Jons doping-nazorat qoidalariga rioya qilmagani ma’lum bo‘ldi. Natijada mankunianliklar 10000 yevro, Blind va Jons esa 5000 yevrodan jarimaga tortildi.
Shuningdek, UYEFA Jonsni 2ta o‘yinga diskvalifikasiya qildi. Endi u “Real”ga qarshi kechadigan UYEFA Superkubogi uchrashuvi hamda Chempionlar ligasining ilk o‘yinini o‘tkazib yuboradi.
Eslatib o‘tamiz, bir necha hafta ilgari Erik Bayi ham UYEFA tomonidan 3ta o‘yinga chetlatilgan edi.
