AQSHning Sent-Luis shahrida “Ming yilliklar matchi” musobaqasi bo‘lib o‘tdi.
Musobaqada dunyo terma jamoasi a’zolari AQSH termasiga qarshi dona surishdi. Yakunda jahonning eng kuchli yosh shaxmatchilaridan tashkil topgan dunyo terma jamoasi 31,5:17,5 hisobida g‘alabaga erishdi.
14 yoshgacha bo‘lgan o‘smirlar o‘rtasidagi bahslarda ishtirok etgan hamyurtimiz Nodirbek Abdusattorov jamoasi ham raqiblarini 11,5:4,5 natijasida mag‘lub etib, ushbu g‘alabaga munosib hissa qo‘shdi.
Nodirbekning o‘zi 4 imkoniyatdan 2 ochko jamg‘arishga erishdi va jamoasi bilan musobaqa g‘olibiga aylandi.
