Jugend Fussball Leistungszentrum in Taschkent yurtimizda bolalar futboli bilan birgalikda qizlar futbolini ham rivojlantirish uchun sa’y-harakatlarni davom ettirmoqda.

Shu munosabat bilan JFL va Germaniya elchixonasi o‘rtasida hamkorlik yo‘lga qo‘yilgan. Unga ko‘ra futbol maktabida qizlar guruhlari tashkil etiladi. Hozirda Germaniyadan ayol mutaxassis taklif etish borasida elchixona bilan muzokara o‘tkazilmoqda. Muzokara muvaffaqiyatli kechgan taqdirda nemis murabbiyi Toshkentda istiqomat qiladi va doimiy ravishda JFL'da faoliyat yuritadi.

Shu bilan birga germaniyalik mutaxassis ishtirokida yurtimizdagi mahalliy murabbiylar uchun seminarlar tashkil etilishi ko‘zda tutilgan. Qizlarning ruhiyati va fiziologiyasi boshqacha bo‘lib, ular bilan ishlash ancha bilim va ko‘nikma talab qiladi. Yurtimizda bunday malakaga ega mutaxassislar kam bo‘lgani bois, JFL murabbiylar tayyorlab borishni ham maqsad qilgan.

O‘g‘il bolalar murabbiylari esa JFL'ning Germaniyadagi bosh maktabi -  Jugend Fussball Leistungszentrum in Schlotheim bilan doimiy aloqada bo‘lib, tajriba almashib boradi. Mutaxassislarimiz Germaniyada malaka oshirib qaytishi ko‘zda tutilgan. Futbol maktabida ish tizimi to‘lig‘icha Germaniya andozalari asosida yuritiladi.

Farzandingiz futbol sir-asrorlari bilan birga ingliz va nemis tillarini o‘rganib borishi va ta’lim olishi malakali metodistlarning kuzatuvi ostida bo‘lishini istasangiz, JFL'ga murojaat qiling.

Telefon raqamlari: +99890 9999890, +998 95 1959890