Futbol shunday ajib o‘yinki, uning borlig‘i turli-tuman ko‘rsatkichlar, antiqa rekordlar, qiziqarli faktlar, diqqatga sazovor natijalar, hayratlanarli tushunchalarga boy.
Misol uchun, Rossiyaning SSKA klubi butun Yevropada tarkib barqarorligi bo‘yicha 1-o‘rinda turar ekan. «Arsenal» esa joriy transferlar mavsumiga qadar 50 milliondan ko‘p mablag‘ talab qiladigan xaridlardan tiyilib turgandi.
Marhamat, quyida shunga o‘xshash e’tiborga molik ba’zi ko‘rsatkichlar va faktlar bilan tanishishingiz mumkin.
TARKIB BO‘YICHA BARQARORLIK
SSKA va yana 9ta eng «o‘zgarmas» klub. Evropa futboli statistik tahlili bilan shug‘ullanuvchi CIES Football Observatory markazi tarkib bo‘yicha eng barqaror klublar reytingini e’lon qildi. Unda jamoalar asosiy tarkibidagi har bir futbolchining 2017 yil iyun holatiga ko‘ra, necha mavsum o‘ynagani hisobga olingan va o‘rtacha ko‘rsatkich chiqarilgan. Shunday hisob-kitobga ko‘ra, Moskvaning SSKA klubi tarkib masalasida eng barqarori ekan. E’tibor bering, jamoaning har bir futbolchisi o‘rtacha hisobda 6,28 mavsumdan buyon «harbiylar» sharafini himoya qilmoqda. «Barselona», «Real», «Bavariya» va «Yuventus» klublari ham bu borada maqtanishga haqli.
10. «YUVENTUS» (Italiya) — 3,96 mavsum
Rekordchi: Janluiji Buffon -16 mavsum
9. «REAL SOSYEDAD» (Ispaniya) — 4,16 mavsum
Rekordchi - Xabi Priyeto - 14 mavsum
8. «MATTERSBURG» (Avstriya) — 4,34 mavsum
Rekordchi: Nedelko Malich - 11 mavsum
7. «ATLETIK» (Ispaniya) - 4,36 mavsum
Rekordchi: Markel Susaeta - 10 mavsum
6. «BAVARIYA» (Germaniya) — 4,70 mavsum
Rekordchi: Frank Riberi - 10 mavsum
5. «REAL» (Ispaniya) — 4,86 mavsum
Rekordchi: Serxio Ramos - 12 mavsum
4. «SHAXTYOR» (Ukraina) — 4,90 mavsum
Rekordchi: Dario Srna - 14 mavsum
3. «BARSELONA» (Ispaniya) — 4,97 mavsum
Rekordchi: Andres Inyesta - 15 mavsum
2. «YYONCHEPING SEDRA» (SHvesiya) — 5,34 mavsum
Rekordchilar: Fredrik Fendrix, Tommi Telin va Tom Sive - 10 mavsumdan
1. SSKA (Rossiya) — 6,28 mavsum
Rekordchi: Aleksey Berezuskiy - 16 mavsum
«ARSENAL»NING ENG QIMMATBAHO XARIDLARI
Aleksandr Lakazett kimlardan o‘zib ketdi? Bilasiz, londonlik «kanorirlar» joriy transferlar mavsumida xarid bobidagi rekordlarini yangilashdi. Ya’ni fransiyalik Aleksandr Lakazett uchun «Lionga naq 60 mln. yevro sanab berishdi. Arsen Venger bunga qadar hech kimga hattoki, 50 «limon» ham bergan emasdi.
1. Aleksandr Lakazett («Lion»dan, 2017 yil) - 60 mln. yevro
2. Mesut Ozil («Real»dan, 2013 yili) - 47 mln. yevro
3. Granit Jaka («Borussiya»dan 2016 yili) - 45 mln. yevro
4. Aleksis Sanches («Barselona»dan, 2014 yili) - 42,5 mln. yevro
5. Shkodran Mustafi («Valensiya»dan, 2016 yili) - 41 mln. yevro
BU IJARA HAQIMI?
10ta eng qimmatbaho ijara kelishuvi. «Bavariya» Xames Rodriges bilan tuzilgan 2 yillik ijara kelishuviga ko‘ra, «Real»ga 10 mln. yevro to‘laydi. Ammo bu ushbu yo‘nalishning rekord ko‘rsatkichi emas. Xo‘sh, yana kimlarning ijara shartnomasi bu qadar yuqori baholangan?
Zlatan IBRAGIMOVICH («Barselona»dan «Milan»ga, 2010 yil) - 6 mln. yevro
Joshua GILAVOGI («Atletiko»dan «Volfsburg»ga, 2014 yil) - 6,8 mln. yevro (2 yil uchun)
Kingsli KOMAN («Yuventus»dan «Bavariya»ga, 2015 yil) - 7 mln. yevro (2 yil uchun)
Radamel FALKAO («Monako»dan «Chelsi»ga, 2015 yil) - 7 mln. yevro
Asamoa GYAN («Sanderlend»dan «Al-Ayn»ga, 2011 yil) - 7 mln. yevro
Radamel FALKAO («Monako»dan «MYU»ga, 2014 yil) - 7,6 mln. yevro
Frank KESSIYE («Atalanta»dan «Milan»ga, 2017 yil) - 8 mln. yevro
Xames RODRIGES («Real»dan «Bavariya»ga, 2017 yil) - 10 mln. yevro (2 yil uchun)
Mattia DESTRO («Jenoa»dan «Roma»ga, 2012 yil) - 11,5 mln. yevro
Karlos TEVES («Vest Xem»dan «MYU»ga, 2007 yil) - 12,7 mln. yevro (2 yil uchun)
LUKAKU IKKINCHI, XOLOS
Joze Mourinyo faoliyatidagi eng qimmatbaho 10ta xarid. «MYU»ning yozgi 2ta xaridi Joze Mourinyo tomonidan amalga oshirilgan eng qimmatbaho xaridlar qatoriga qo‘shildi. Aytish joiz, portugaliyalik murabbiy roziligi bilan amalga oshirilgan 10ta eng sara transfer uchun umumiy hisobda deyarli yarim milliard yevro sarflangan.
10. Viktor LINDELYOF («Benfika»dan «MYU»ga, 2017 yil) - 35 mln. yevro
9. VILLIAN («Anji»dan «Chelsi»ga, 2013 yil) - 35,5 mln. yevro
6-8. Erik BAYI («Vilyarreal»dan «MYU»ga, 2016 yil) - 38 mln. yevro
6-8. Maykl ESSYEN («Lion»dan «Chelsi»ga, 2005 yil) - 38 mln. yevro
6-8. Diyego KOSTA («Atletiko»dan «Chelsi»ga, 2014 yil) - 38 mln. yevro
5. Didye DROGBA («Marsel»dan «Chelsi»ga, 2004 yil) - 38,5 mln. yevro
4. Genrix MXITARYAN («Borussiya»dan «MYU»ga) - 42 mln. yevro
3. Andrey SHEVCHENKO («Milan»dan «Chelsi»ga, 2006 yil) - 43,3 mln. yevro
2. Romelu LUKAKU («Everton»dan «MYU»ga, 2017 yil) - 84,7 mln. yevro
1. Pol Pogba («Yuventus»dan «MYU»ga, 2016 yil) - 105 mln. yevro
MEHNAT BIRJASI
Yangi klub qidirayotgan 5 nafar yulduz. Top-klublar Kilian Mbappe uchun aqlga sig‘mas darajada ko‘p pul sarflashga tayyor turgan bir paytda kechagina boylar o‘rtasida talash bo‘lgan ayrim faxriylar yangi qo‘nimgoh izlash bilan ovoralar. Bundaylarning elit ro‘yxatiga qarab, futbolda hammasi naqadar tez o‘zgarishidan yoqa ushlaysan beixtiyor...
1. Dimitar BERBATOV (36 yosh), oxirgi klubi: PAOK (Gresiya)
2. Antonio di NATALE (39 yosh), oxirgi klubi: «Udineze» (Italiya)
3. Robbi KIN (36 yosh), oxirgi klubi: «Los-Anjeles Geleksi» (AQSH)
4. Klaudio PISARRO (38 yosh), oxirgi klubi: «Verder» (Germaniya)
5. Viktor VALDES (35 yosh), oxirgi klubi: «Midl-sbro» (Angliya)
«REAL» - «BAVARIYA» - 3:3
«Real» va «Bavariya» o‘rtasidagi transferlar. Xames Rodrigesning ijara kelishuvi «Real»ga manfaat keltiradimi yoki «Bavariya»ga? Bu savolga vaqt o‘tishi bilan javob topsak, ajabmas. Hozircha esa, Madrid - Myunxen yoki aksincha yo‘nalish bo‘yicha harakatlangan futbolchilarga e’tibor qaratib turamiz. Ular atigi 6 nafar (Xames ham qo‘shilgan).
1. Paul BRAYTNER («Bavariya»dan «Real»ga, 1974 yil) - 1, 5 mln. yevro
2. Aryen ROBBEN («Real»dan «Bavariya»ga, 2009 yil) - 24 mln. yevro
3. Hamit OLTINTOP («Bavariya»dan «Real»ga, 2011 yil) - bepul
4. Toni KROOS («Bavariya»dan «Real»ga, 2014 yil) - 30 mln. yevro
5. Xabi ALONSO («Real»dan «Bavariya»ga, 2014 yil) - 9 mln. yevro
6. Xames RODRIGES («Real»dan «Bavariya»ga, 2017 yil) - 10 mln. yevro (2 yillik ijara haqi)
