Xalqaro futbol assosiasiyalari federasiyasi (FIFA) yilning eng yaxshi darvozaboni sovrinini joriy qildi. Sovrin uchun 3 nafar mavsumning nomini FIFAning afsonalar guruhi aniqlaydi. Nomzodlar nomi yaqin orada e’lon qilinadi. Nomzodlarni aniqlashda darvozabonlarning 2016 yil noyabr oyidan 2017 yil iyul oyiga qadar faoliyati inobatga olinadi. Ushbu sovrin ilk marta FIFAning 23 oktyabr kuni Londonda bo‘ladigan yig‘ilishida e’lon qilinadi.

«Futboldan darvozabonlarning o‘rni muhim va o‘ziga xos. Lekin ular hamisha ham tan olinavermaydi. Shu bois, faxr bilan ushbu sovrinni joriy qildik. Biz nafaqat gol uradigan futbolchilarni, balki zarbalarni qaytarishda muhim vazifani bajaradigan posbonlarni hurmat qilamiz», — dedi FIFA bosh kotibining futbol masalalari bo‘yicha o‘rinbosari Zvonimir Boban.