The Sun nashrining xabariga ko‘ra, Fransiyaning “Monako” klubi “Arsenal” futbolchisi Aleksis Sanches uchun 45 million funt to‘lashga tayyorligini bildirdi.
“Arsenal” bosh murabbiyi Arsen Venger Sanchesni jamoada qolishi haqida hozircha biror so‘z ochmadi ammo londonliklar “Monako”dan Toma Lemarni sotib olishga jiddiy harakat qilishmoqda.
Voqealar rivoji shunday yakunlanadigan bo‘lsa, jamoalar o‘zaro transferlar oldi-sotdisi bo‘yicha muzokara o‘tkazishadi.
Ma’lumot o‘rnida, “Monako” Sanchesning haftalik maoshini 300 ming funt va unga Monte-Karlo shahridan eng qulay yashash sharoitidagi uy sovg‘a qilishni ham bildirgan.
