"Manchester Yunayted" yarimhimoyachisi Xuan Mata savob ishga qo‘l urishni rejalashtirmoqda.
Futbolchi maoshining 1 foizini xayriyaga sarflab, butun dunyoda futbolni rivojlantirish bilan shug‘ullanuvchi Common Goal tashkilotiga berishini aytdi.
"Men bu ishni boshlab bermoqchiman, ammo umid qilamanki yolg‘izlanib qolmayman. Dunyoni oz bo‘lsa-da, yaxshi tomonga o‘zgartirmoqchiman" - deb yozdi Mata ijtimoiy sahifasida.
Ispaniyalik futbolchi xuddi o‘zi kabi, maoshining 1 foizini xayriyaga sarflaydigan 11 nafar futbolchidan jamoa tuzmoqchi.
Matbuotdagi ma’lumotlarga ko‘ra, Mataning yillik maoshi 7 million funtni tashkil qiladi. Uning 1 foizi 70 ming funtga teng.
