"Манчестер Юнайтед" яримҳимоячиси Хуан Мата савоб ишга қўл уришни режалаштирмоқда.
Футболчи маошининг 1 фоизини хайрияга сарфлаб, бутун дунёда футболни ривожлантириш билан шуғулланувчи Common Goal ташкилотига беришини айтди.
"Мен бу ишни бошлаб бермоқчиман, аммо умид қиламанки ёлғизланиб қолмайман. Дунёни оз бўлса-да, яхши томонга ўзгартирмоқчиман" - деб ёзди Мата ижтимоий саҳифасида.
Испаниялик футболчи худди ўзи каби, маошининг 1 фоизини хайрияга сарфлайдиган 11 нафар футболчидан жамоа тузмоқчи.
Матбуотдаги маълумотларга кўра, Матанинг йиллик маоши 7 миллион фунтни ташкил қилади. Унинг 1 фоизи 70 минг фунтга тенг.
