Futzal bo‘yicha O‘zbekiston terma jamoasi 5–6 avgust kunlari Tojikiston termasiga qarshi ikkita o‘rtoqlik uchrashuvi o‘tkazadi.
Mazkur o‘yinlar Mycujoo.tv sayti orqali onlayn namoyish etiladi. Uchrashuvni to‘g‘ridan-to‘g‘ri tomosha qilishni istayotganlar mazkur havolaga o‘tish orqali bellashuvni jonli kuzatib borishi mumkin bo‘ladi.
Tojikiston – O‘zbekiston uchrashuvi translyasiyasiga havola — https://mycujoo.tv/ch/273?id=7490
Futzal bo‘yicha bosh murabbiyi Bahodir Ahmedov Tojikistonga qarshi o‘yinlar uchun quyidagi futbolchilarni jalb qildi.
Darvozabonlar: Rustam Umarov, Akmal Xazratqulov;
O‘yinchilar: Feruz Faxriddinov, Alisher Ibragimov, Timur Berdiyev, Anasxon Rahmatov, Ilhom Xamroyev, Mashrab Odilov, Timur Sadirov, Akbar Usmonov, Islom Biturayev, Ixtiyor Ropiyev, Xushnur Erkinov, Alan Aminov, Husniddin Nishonov, Botir Rizayev.
Bo‘lajak o‘yinlar O‘zbekiston futzal termasi uchun Turkmaniston poytaxti Ashxobod shahrida yopiq inshootlarda bo‘lib o‘tadigan 2017 yilgi Osiyo o‘yinlariga tayyorgarlik vazifasini o‘taydi.Ashxoboddagi Osiyo o‘yinlari shu yilning 17–27 sentyabr kunlari o‘tkaziladi.
