Футзал бўйича Ўзбекистон терма жамоаси 5–6 август кунлари Тожикистон термасига қарши иккита ўртоқлик учрашуви ўтказади.
Мазкур ўйинлар Mycujoo.tv сайти орқали онлайн намойиш этилади. Учрашувни тўғридан-тўғри томоша қилишни истаётганлар мазкур ҳаволага ўтиш орқали беллашувни жонли кузатиб бориши мумкин бўлади.
Тожикистон – Ўзбекистон учрашуви трансляциясига ҳавола — https://mycujoo.tv/ch/273?id=7490
Футзал бўйича бош мураббийи Баҳодир Аҳмедов Тожикистонга қарши ўйинлар учун қуйидаги футболчиларни жалб қилди.
Дарвозабонлар: Рустам Умаров, Акмал Хазратқулов;
Ўйинчилар: Феруз Фахриддинов, Алишер Ибрагимов, Тимур Бердиев, Анасхон Раҳматов, Илҳом Хамроев, Машраб Одилов, Тимур Садиров, Акбар Усмонов, Ислом Битураев, Ихтиёр Ропиев, Хушнур Эркинов, Алан Аминов, Ҳусниддин Нишонов, Ботир Ризаев.
Бўлажак ўйинлар Ўзбекистон футзал термаси учун Туркманистон пойтахти Ашхобод шаҳрида ёпиқ иншоотларда бўлиб ўтадиган 2017 йилги Осиё ўйинларига тайёргарлик вазифасини ўтайди.Ашхободдаги Осиё ўйинлари шу йилнинг 17–27 сентябрь кунлари ўтказилади.
