Janubiy Koreya milliy terma jamoasi sobiq futbolchisi Park Ji Sung terma jamoaning JCH-2018 saralash bosqichida doirasida qolgan 2ta o‘yindagi imkoniyatlari borasida o‘z fikrlarini bildirib o‘tdi.

Koreyaliklar 31 avgust kuni o‘z uylarida Eronni qabul qilsalar, 5 avgust kuni Toshkentda O‘zbekiston mehmoni bo‘lishadi. Koreya hozirda 13 ochko bilan guruhda 2-o‘rinni egallab turgan bo‘lsa, o‘zbekistonliklar hisobida 12 ochko mavjud. Eron esa 20 ochko bilan muddatidan avval JCH-2018 yo‘llanmasini hal qilib bo‘lgan.

"Koreya terma jamoasi kuchli jamoalarga qarshi o‘yinlarda ijobiy natija qayd etishi kerak. Futbolchilardagi qo‘shimcha motivasiya ularga ijobiy ta’sir ko‘rsatadi.

Eronga qarshi uyda o‘ynayotganimiz — bizning omadimiz. Lekin O‘zbekistonga qarshi safar o‘yinlarida ijobiy statistikaga ega emasmiz (Koreya so‘nggi marta O‘zbekistonni Toshkentda 1997 yilda mag‘lub etgan). Umid qilaman, Eronni o‘z uyimizda yengib, safarda O‘zbekiston bilan durang o‘ynab, Jahon chempionati yo‘llanmasini qo‘lga kiritamiz", — dedi "Manchester Yunayted" klubi sobiq futbolchisi.