Жанубий Корея миллий терма жамоаси собиқ футболчиси Парк Жи Сунг терма жамоанинг ЖЧ-2018 саралаш босқичида доирасида қолган 2та ўйиндаги имкониятлари борасида ўз фикрларини билдириб ўтди.

Кореяликлар 31 август куни ўз уйларида Эронни қабул қилсалар, 5 август куни Тошкентда Ўзбекистон меҳмони бўлишади. Корея ҳозирда 13 очко билан гуруҳда 2-ўринни эгаллаб турган бўлса, ўзбекистонликлар ҳисобида 12 очко мавжуд. Эрон эса 20 очко билан муддатидан аввал ЖЧ-2018 йўлланмасини ҳал қилиб бўлган.

"Корея терма жамоаси кучли жамоаларга қарши ўйинларда ижобий натижа қайд этиши керак. Футболчилардаги қўшимча мотивация уларга ижобий таъсир кўрсатади.

Эронга қарши уйда ўйнаётганимиз — бизнинг омадимиз. Лекин Ўзбекистонга қарши сафар ўйинларида ижобий статистикага эга эмасмиз (Корея сўнгги марта Ўзбекистонни Тошкентда 1997 йилда мағлуб этган). Умид қиламан, Эронни ўз уйимизда енгиб, сафарда Ўзбекистон билан дуранг ўйнаб, Жаҳон чемпионати йўлланмасини қўлга киритамиз", — деди "Манчестер Юнайтед" клуби собиқ футболчиси.