Oliy liganing 16-turi doirasida bo‘lib o‘tgan "Nasaf" - "Qo‘qon-19121" o‘yin yakunlariga bag‘ishlangan matbuot anjumanining ikkinchi qismida mezbonlar ustozi Ro‘ziqul Berdiyev ham o‘z fikrlari bilan o‘rtoqlashdi.

— Avvalambor, barcha muxlislarimizni bugungi g‘alaba bilan tabriklayman. Endi o‘yin haqida gapiradigan bo‘lsam, bugun raqibimiz himoyaviy taktika qo‘lladi. Ammo tezkor gol urganimizdan keyin ularning rejasi o‘zgarib ketdi. Ularning tuzgan rejasini buzishga erishdik. Bugun maydonga tushgan futbolchilarimiz mazmunli o‘yin namoyish etishdi. Yigitlarimiz o‘yinda ko‘proq to‘pni ham nazorat qilishga erishdilar.

Bugun ham himoyamizda ba’zi kamchiliklar ko‘zga tashlandi. Bu kamchiliklar ustida ish olib borayapmiz. Himoyachilarimiz ham tez orada bir-birlarini tushunib olishadi, albatta.

Oldimizda hali muhim o‘yinlar turibdi. Bu yilgi chempionatda  kuchli jamoalar ko‘paydi, ochko olish ham qiyin bo‘layapti.  Ammo biz ham har bir o‘yinga astoydil tayyorgarlik ko‘ramiz va ochkolarimizni ko‘paytirish uchun harakat qilaveramiz.