«Chelsi» bosh murabbiyi Antonio Konte yarimhimoyachi Nemanya Matichni «Manchester Yunayted»ga sotishni istamaganini aytdi.

«Matich haqida juda yaxshi fikrdaman, u buni biladi. Nemanya «Chelsi» uchun kerakli futbolchi edi, ammo ba’zan shunday qarorlarni qabul qilishga majburmiz.

Transfer bozori aqldan ozmoqda, yaxshi futbolchilarni xarid qilish uchun, boshqalarini sotishga to‘g‘ri keladi. Matichning ketishi - «Chelsi» uchun yo‘qotishdir», — dedi Konte Sky Sports xabarida.

Norasmiy ma’lumotlarga ko‘ra, «Chelsi» Matichning transferidan 40 mln funt ishlab oldi.