«Real» yarimhimoyachisi Luka Modrich Ispaniya superkubogidan o‘rin olgan «Barselona»ga qarshi dastlabki o‘yinda maydonga tusholmaydi.
AS xabariga ko‘ra, 31 yoshli xorvatiyalik 2014 yilgi Superkubok bahsidan o‘rin olgan «Atletiko»ga qarshi o‘yinda olgan qizil kartasi tufayli diskvalifikasiya qilingan edi. O‘shanda «Real» ikki o‘yin natijasiga ko‘ra (1:1 va 0:1) superkubok bahsini boy bergan edi.
Endi Modrich 13 avgust kuni o‘tkaziladigan «Barselona»ga qarshi safar o‘yinini o‘tkazib yuboradi. Javob o‘yini 17 avgust kuni Madridda bo‘lib o‘tadi.
