Toshkentda 11 avgust kuni Butunjahon Taekvondo Federasiyasi prezidenti kubogi start oldi.

Dunyoning turli mintaqalarida muntazam tarzda o‘tkazib kelinadigan “G2” turkumiga kiruvchi ushbu nufuzli musobaqa Osiyo minataqasida ilq bor tashkillashtirilmoqda. Toshkent shahridagi “Unversal” sport majmuasida bo‘lib o‘tayotgan bellashuvlarda 36 ta mamlakatning 600dan ziyod sportchilari sovrinli o‘rinlar uchun kurash olib borishmoqda. Bahslar kadetlar, o‘smirlar va kattalar o‘rtasida kechmoqda.

E’tiborli jihati, musobaqada kattalar o‘rtasida sovrindor bo‘lgan sportchilar  Olimpiya reyting ochkolarini qo‘lga kiritishadi. Jumladan, g‘oliblar 20 ballga ega bo‘lishadi.  

13 avgust sanasigacha bo‘lib o‘tadigan turnirda dastlabki kuni kadetlar va o‘smirlar o‘rtasida 10 tadan vazn toifasida g‘olib va sovrindorlar aniqlanadi. Shundan so‘ng, muxlislar kattalar o‘rtasidagi bahslarga guvoh bo‘lishadi. Unda barcha sakkiz vazn toifasida dunyo reytingi yetakchilari va yosh iqtidorli teekvodochilari ishtirok etishadi. Qayd etish kerak, bahslarda zafar quchgan sportchilar o‘z sovrinlarini hozirda Toshkentda bo‘lib turgan Butunjahon Taekvondo Federasiyasi prezidenti – Cho Chung Von qo‘lidan qabul qilib olishlari kutilmoqda. Musobaqa natijalari haqida kelasi dasturlarimizda ma’lumot berib boramiz.