Тошкентда 11 август куни Бутунжаҳон Таэквондо Федерацияси президенти кубоги старт олди.

Дунёнинг турли минтақаларида мунтазам тарзда ўтказиб келинадиган “G2” туркумига кирувчи ушбу нуфузли мусобақа Осиё минатақасида илқ бор ташкиллаштирилмоқда. Тошкент шаҳридаги “Унверсал” спорт мажмуасида бўлиб ўтаётган беллашувларда 36 та мамлакатнинг 600дан зиёд спортчилари совринли ўринлар учун кураш олиб боришмоқда. Баҳслар кадетлар, ўсмирлар ва катталар ўртасида кечмоқда.

Эътиборли жиҳати, мусобақада катталар ўртасида совриндор бўлган спортчилар  Олимпия рейтинг очколарини қўлга киритишади. Жумладан, ғолиблар 20 баллга эга бўлишади.  

13 август санасигача бўлиб ўтадиган турнирда дастлабки куни кадетлар ва ўсмирлар ўртасида 10 тадан вазн тоифасида ғолиб ва совриндорлар аниқланади. Шундан сўнг, мухлислар катталар ўртасидаги баҳсларга гувоҳ бўлишади. Унда барча саккиз вазн тоифасида дунё рейтинги етакчилари ва ёш иқтидорли теэкводочилари иштирок этишади. Қайд этиш керак, баҳсларда зафар қучган спортчилар ўз совринларини ҳозирда Тошкентда бўлиб турган Бутунжаҳон Таэквондо Федерацияси президенти – Чо Чунг Вон қўлидан қабул қилиб олишлари кутилмоқда. Мусобақа натижалари ҳақида келаси дастурларимизда маълумот бериб борамиз.