Xabaringiz bor, hamyurtimiz Sardor Rashidov endilikda faoliyatini BAAning “Al Jazira” klubida davom ettiradi. Ilgari 2 mavsum davomida Qatarning “Al Jayish” jamosi sharafini himoya qilgan milliy terma jamoamiz a’zosi yaqinda BAA chempioni bilan 2 yillik shartnoma imzoladi.

Yangi mavsumga hozirlik olib borayotgan “Al Jazira” 11 avgust kuni yozgi ilk o‘quv-mashg‘ulot yig‘inini yakunladi. Jamoa Gollandiyada yig‘in tashkil etgandi. “Jazira” futbolchilari “Lolalar yurti”da 24 kun mobaynida mashg‘ulotlar olib borishdi.

Qolaversa, 5 ta nazorat uchrashuvida ham maydonga tushildi. NEK, “Deventer”, “De Treffers” hamda “Fortuna Sittard” klublariga qarshi kechgan uchrashuvlarda Sardor Rashidov ham maydonga tushdi va bir bor raqib darvozasini ishg‘ol etishga muvaffaq bo‘ldi.

Endilikda Abu Dabi sharafini himoya qiluvchi jamoa o‘z qarorgohida mashg‘ulotlarni davom ettiradi. “Al Jazira” BAA Pro Ligasining ilk tur o‘yinini 20 sentyabr kuni “Ajman”ga qarshi o‘z uyida o‘tkazadi.

Ta’kidlash joizki, “Al Jazira” tarkibini yangi mavsum oldidan Muborak Bussufa, Ahmad Halil, Lassana Diarra kabi ijrochilar bilan to‘ldirib oldi. Hamyurtimiz Bussufa 10-raqamni band etgani bois yangi jamoasida 9-raqam ostida to‘p tepadigan bo‘ldi.