Ushbu maqola orqali sizga futbol tarixidagi eng qimmat braziliyalik futbolchilar haqida ma’lumot berib o‘tamiz.
7. David Luiz - 50 mln.evro
2014 yili Parijning PSJ jamoasi Londonning "Chelsi" klubidan Luizni 50 mln.evroga sotib oldi. O‘sha paytda himoyachining narxi 26 mln. edi. Biroq Parij klubi Davidni qo‘lga kiritish uchun pulni ayab o‘tirmadi. Qiziq tomoni qisqa vaqtdan so‘ng Luiz yana "Chelsi"ga qayta sotib yuborildi - 35 mln.ga.
6. Aleks Teysheyra - 50 mln.evro
2015 yili Ukraina chempionatining eng yorqin yulduzi uchun "Liverpul"dek klub "sovchi" yubordi. Biroq Aleks yorqin kelajakdan ko‘ra, pulni afzal bildi va Xitoyning "Jiangsu Suning" klubiga yo‘l oldi. Bu transfer Xitoy klublari uchun rekordga aylangan edi.
5. Xalk - 55 mln.evro
Xitoyliklarning katta pullariga uchgan yana bir braziliyalik futbolchi bu Xalkdir. "Zenit" hujumchisi uchun chin yurtining "Shanxay SPIG" jamoasi 2016 yili 55 mln.evro to‘ladi. Rossiya chempionatining asosiy yulduzi uchun ham kuchli beshlikning bir qator jamoalari qiziqish bildirishgan edi.
4. Oskar - 60 mln.evro
Xitoyning "Shanxay SPIG" klubi 2016 yili Xalk bilan birga "Chelsi"dan Oskarni ham rekord summaga sotib oldi. London klubi 25 yoshli yarim himoyachi uchun bildirilgan 60 mln.evrolik taklifni rad eta olmasdi. Shu tariqa Oskar Osiyo futboli tarixidagi eng qimmat futbolchiga aylandi.
