Oliy liganing 17-turida "Paxtakor" "Neftchi"ni 6:0 hisobida mag‘lubiyatga uchratdi.

Birinchi bo‘limda toshkentliklar ko‘plab xavfli vaziyatlarni yuzaga keltirdi, biroq ulardan foydalana olmadi. Sergeev va Bezerraning zarbalari ozgina noaniq chiqdi.

Ikkinchi bo‘limni "sherlar" muxlislar uchun gollar shousiga aylantirib berishdi. 53-daqiqada Ahmedov raqibning 4 futbolchisidan o‘tib ketib, o‘yinda hisobni ochdi. Sergeev esa 4 daqiqa oralig‘ida dublini nishonladi. U Bezerra va Karimovning to‘p oshirishlarini samarali yakunladi. Tiago esa 78 va 87-daqiqalarda ikki ajoyib golga mualliflik qildi. Braziliyalik futbolchi debyut gollarini urdi. Uchrashuvga yakuniy nuqtani Kozak qo‘ydi - 6:0!

Shu tariqa "Paxtakor" "Neftchi" bilan qarama-qarshilik tarixida eng yirik g‘alabasini nishonladi.

"PAXTAKOR" - "NEFTCHI" - 6:0 (0:0)
12 avgust. Toshkent. "Paxtakor" stadioni. 6155 tomoshabin.
Hakamlar: A.Asimov - 8,8. A.Usmonov - 9. T.Gaynulin - 8,8.
"Paxtakor": Lobanov, Kozak, Simich, A’zamov, Hoshimov, Ahmedov, Iskanderov (Ismatullayev, 85), Bezerra, Nurullayev (Ibrohimov, 68), Karimov (Kanyuk, 80), Sergeev.
"Neftchi": Yusupov, Tursunov, Kapadze, Muzaffarov, To‘ychiboyev, Raximov, Namozov (Abdulhoqov, 46), A.Ismoilov, Saidov (Hakimov, 29), Shog‘ulomov, Haydarov (Mamazulunov, 78).
Gollar: Ahmedov, 53 - 1:0. Sergeev, 60 - 2:0. Sergeev, 64 - 3:0. Bezerra, 78 - 4:0. Bezerra, 87 - 5:0. Kozak, 89 - 6:0.
Ogohlantirishlar: Hakimov, 51. Ibrohimov, 67. Kanyuk, 86.