"Chelsi" hujumchisi Diyego Kosta klubdagi holatidan qattiq norozi ekanini aytdi.

"Menga kiyinish xonasiga kirish taqiqlangan, jamoadoshlarim bilan gaplashish taqiqlangan. Axir men jinoyatchi emasmanku?! Men "Chelsi" uchun ko‘p mehnat qilganman, menga bunday munosabat qilishlari adolatdan emas. Meni doim jarimaga tortishadi.

Ular meni yoshlar tarkibiga tushirib yubormoqchi, biroq bunga rozi bo‘lmayman. Men jinoyatchi emasman, yomon ish qilganim yo‘q" - dedi Kosta.

Eslatib o‘tamiz, "Chelsi" Diyego Kostani transferga qo‘ygan. U bilan "Atletiko" va "Milan" qiziqmoqda.